Informacije kołowokoło Wašeje strowoty.
nowosće z našeje praksy.
W praksy w Radworju přewjedźemy wšitke šćěpjenja wotpowědnje doporučenjam Stajneje šćěpjenskeje komisije (STIKO) za dorosćenych, młodostnych a dźěći. Informujemy Was rady k wšelakim šćěpenjam a prewenciji infekciskich chorosćow. Prawidłowne ponowjenje šćěpjenjow je zasadnje trěbne, zo by so wobstejacy škit wobchował. Doporučimy tuž prawidłowne přepruwowanje Wašeho šćěpjenskeho wupokaza.
Dalše informacije k temje namakaće tu:
informacije k rozbudźakam
poručenja k šćěpjenjam wot STIKO
kónčiny z wysokim rizikom za FSME
šćěpjenja
Na pasowu róžu schorja zwjetša stari resp. pacienća ze zesłabnjenym imunowym systemom.
Jedna so wo “wotućenje” zwjetša dawno wuhojeneje infekcije wowčich jětrow (Windpocken). Wutwori so typiska bolostna wuražka z pucherkami. Wobsah tutych je při wuskim kontakće natykowacy, ale njej to přirunajomne z natykliwosću wowčich jětrow.
Doporučenje šćěpjenja: wot 60 lět, chronisce chori ze zesłabjenym imunowym systemom.
Pneumokokki su bakterije, kotrež mjez druhim w nosu a šiji namakamy. Su na př. přičina
za smorkawu, infekcije pódlanskich prózdnjeńcow a tež zahorjenje płucow. Wosebje
strašne su pneumokokki, hdyž do kreje abo
mozoweje wody přestupja – potom sćěhuje
zajědojćenje kreje abo zahorjenja mozoweje kože.
Šćěpjenske doporučenje: zakładna imunizacija w 1. žiwjenskim lěće, wosoby wot 60 lět, chronisce chori.
Bakterija clostridium tetani je wšudźe w přirodźe žiwa. Přez hłuboke, mazane rany móže
do muskulatury a kreje přeńć.
Typiske za infekciju je surowe spinanje cyłeje muskulatury,
cyłe ćěło so bjez kóždeje kontrole zhibuje, zdźěla tak zlě, zo so samo kosće łamaja. Na
kóncu schorjeny ani wjac dychać njemóže.
Šćěpjenske doporučenje: zakładna imunizacija w 1. žiwjenskim lěće, po tym ponowjenje kóžde pjeć, pozdźišo dźesać lět 10 Jahre
Dušacy kašel je schorjenje bronchijow a płucow z jara dołho trajacym, čwělowacym,
suchim kašelom. Wosebje (hišće) nješćěpjene ćěšenki su wohrožene dokelž sylneho
kašela dla wjac njedychaja. Přez pobrachowacy kislik móže
k škodam mozow dóńć.
Doporučenje šćěpjenja: zakładna imunizacija w 1. žiwjenskim lěće, po tym prawidłowne
wobnowjenje kóžde pjeć, pozdźišo dźesać lět, samodruhe w poslednjej třećinje
samodruhosće.
To je infekcija mozow a mozowych kóžkow. Wiry so hłownje přez klěšće přenjesu. Najwjetši dźěl schorjenych ma jenož miłe symptomy kaž zymicu, hłowu bolenje, mučnotu. Ći pak, kotřiž ćežko schorja, dyrbja z dołhodobnymi komplikacijemi ličić. Dotal žanu terapiju njeznajemy.
Doporučenje šćěpjenja: wšitcy, kotřiž su w kónčinach ze zwyšenym rizikom žiwi abo sebi tam dojědu (tež Łužica), powołanja w přirodźe (hajnk, hajnik …).